Naturayala blogean Gustavo Abascalek testu interesgarria idatzi du mozoloen inguruan:
"Duela bi aste Urkabustaiz haraneko eliza honetan dauden mozoloak behatzen hasi nintzen. Inguru honetako eliza gehienak ez bezala, eliza hau ez dute eraberritu eta hegaztiek habiak egiten dituzte hormetako arrailetan zein apurtuta dauden teiletako zuloetan. Horrelaxe egin du mozolo-bikote honek.
Gure eskualdean umetzen duten bikote kopurua oso baxua da. Izatez, Mozoloaren banaketa eta jarraipen-sarea EAEn (2009) ikerketan ez zen mozolo bikoterik erregistratu Arabako ipar-mendebaldean, ezta jada ezagunak diren Urduñako bikoteak ere. Izan ere, jakin badakigu herri honetan zein Aiarako beste hainbatetan mozoloak daudela, modu apalean bada ere.
Dena den, mozoloa gainbeheran dago. Espainiako Ornitologia Elkartearen (SEO/Birdlife) arabera, 1998 urtetik hona espezie honek %46 egin du behera. Nekazal inguruaren eraldaketa eta modernizazioa dira beherapen honen arrazoiak. Horrez gain, eliza hau bezalako eraikin zaharrak erortzen edo eraberritzen direnez, habiak sortzeko lekuak galtzen dituzte mozoloek."