aiaraldea.eus

PPk Pablo Gorostiaga pregoilari izendatzea gaitzetsi eta auzitara jo du

Erabiltzailearen aurpegia Erredakzioa  Aiaraldea
PPk Pablo Gorostiaga pregoilari izendatzea gaitzetsi eta auzitara jo du

Carlos Urquijo EAEko PPren ordezkariak fiskaltzari Pablo Gorostiaga Egin egunkariko administrazio batzordeko kidea Laudioko pregoilari izendatu dutela ohartarazi zion atzo. PPk salatu duenez, "ETArekin kolaboratzeagatik" dago preso 2007tik.

Aiaraldeko PPren aburuz, ezker abertzalearen estrategiaren baitan kokatzen da erabakia: "Orriz pasatzea eta gure historia beldurgarria ahaztea nahi dute. ETAren biktimak eta espainiar guztiak iraintzen ditu".

Carlos Urquijo EAEko PPren ordezkariak fiskaltzari Pablo Gorostiaga Egin egunkariko administrazio batzordeko kidea Laudioko pregoilari izendatu dutela ohartarazi zion atzo. PPk salatu duenez, "ETArekin kolaboratzeagatik" dago preso 2007tik. Aiaraldeko PPren aburuz, ezker abertzalearen estrategiaren baitan kokatzen da erabakia: "Orriz pasatzea eta gure historia beldurgarria ahaztea nahi dute. ETAren biktimak eta espainiar guztiak iraintzen ditu".

Santiago Abascal Aiarako PPko lehendakariarentzat zentzugabekeria bat da erabakia: "Disparate eta aberrazio bat da ETAko preso bat herriko jaietako pregoilari izatea. 900 pertsona eraman dituen 40 urtetan ia-ia bizitako historia beldurgarria ahazteko ezker abertzalearen estrategia da. Laudioko herritarrek, arabarrek eta espainiarrek ez dugu merezi halako bide bat izan duen pregoilari bat edukitzeko desohorea".

Erantsi dutenez, PPk ez du onartu ez onartuko "halako kastako pertsonaia bat" jaietako pregoilari izatea. "Lotsagarria da Laudioko alkateak ETAko preso bat pregoilari bilakatzea". Haatik, udalak erabakiarekin aurrera egitea jarraitzen badu behar adina neurri hartuko dituztela esan dute. Eta, justizia auzitegietan salaketa sartuko dutela.

Santiago Abascal PPko parlamentari oihak twitterren egin du salaketa. Haren iritziz, ETAkide bat jaietako pregoilari izateak Bilduk ETAn duen integrazioa erakusten du, eta instituzioen gelditasuna.

Ikusi argazki guztiak handiago

Erantzunak

Erabiltzailearen aurpegia Orozkoar bat Erantzuna | #1

Erabiltzailearen aurpegia Bidekurtze Erantzuna | #2

“Halako kastako pertsonaia” esan omen du On Xanti Abaskal Erkurtzak gure alkate izandako Pablo Gorostiaga Gontzalez jaunaz hitz egitean, berau Laudioko Sanroketan jai-pregoilari izendatu dutela eta mindurik noski. Nork esan Abaskalek esan omen du, aita frankisten buru eta semea “Inestrillas” ezizena irabazitakoa dituen PPko diru-jasotzaileak esan du. Ez da aspaldi Amurrioko eliza nagusian Abaskal zaharra, Arabako Aldundi frankistan buruzagi izan zena, ohore ia-ia “militarrez” eginiko hileta batean PPren esku dagoen diputazioaren parafernalia guztiaz zerura bidean bidali zutela. Frankismo baino terrorismo handiagorik ba ote dea? Beraz, zer zela eta Arabar guztien Aldundia behar lukeen erakundeak halako azken-agurra terrorista bati? Aberrazio handiagorik!
Gure Karlitos Urkixo Valdivielsok fiskaltzari deitu diona ez da berria; Laudion (berak badaki) inork ez luke izendatuko pregoilari, bere aitaita zaharra berpiztu ezean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa