Determinismoaren kontra

- Gorroto zaitut.

Koplarik erabili gabe bota dizkit hitzok Marik, ziplo eta seko, kalearen erdian. Kultur azpiegiturak garbitzeko kontratatu gintuzten gu, erratz kolpeka areto moketatu eta gehiegitan hustuak distirant uzteko. Baina hain dira urriak kulturguneak gurean, non nagusiak, kopetilun, asko sentitzen duela baina kalea garbituko dugula esan baitigu gaur goizean. Mari eta biok elkarri begiratu diogu harriduraz, sinetsita baikeunden kalea ere kultur azpiegitura bat zela, besteak beste.

-Baina, zer demontre egin dizut nik? –erantzun diot.

Atzo zinemara joan zela kontatu dit. Begiak umel eta bihotza erorita atera omen zen aretotik, filma bukatzear zela, gehien maite zuen pertsonaia tiroz hil baitzuten.

Gogo eroria berpizteko ideia paregabea otu zitzaion: berriro ilaran jarriko zen, eta bigarren saiorako sarrera erosiko zuen, ea bigarren emanaldi horretan, bala madarikatuak ez zuen bere gogoko pertsonaiaren bihotzean habia egiten. Leihatilako langileari plana azaldu bezain laster, haren begiradaren epai irmoa jaso zuen bueltan: eroei begiratzen zaien maneran begiratu zion.
Eskutan daukan zakar poltsari so geratu zaio Mari.

-Ohartu al zara langile miserableok garela determinismoan sinesten dugun bakarrak? Ez esan gorrotagarria ez denik!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide