Beñat Sarasola poeta, irakurle amorratua omen da eta liburu kritikak egiteko ikasi ez ezik kritikak ere argitaratu ditu Berrian, besteak beste. Baina horrek ez du esan nahi topikoen aurkako txertorik hartu duen.
Bere twitterrean iruzkina argitaratu du Zuzeu-n "Drogas, capitalismo y movimientos radicales" liburuaren inguruko elkarrizketaren harira. Eta emaitza ezin kaskarragoa da.
Topiko moralistak erabiltzen baititu eztabaida mespretxatzeko. Eta topiko okerrenak gainera, katolizismoa eta kristautasuna aipatzen baititu.
Topikoak pentsatzeko tentazioari aurre egiteko tresna bikaina dira eta bide horretatik bide luzeegia egin dugu drogek eragiten dituzten arazoetan ez erreparatzeko. Eta horiek ez dira moralistak, praktikoak baizik: militantziaren kalitatean eragina (ikasten denaren aldetik), pskiatrizazioak, gatazkak gure ingurutan, gune politikoak kudeatzeko zailtasunak edo ezintasuna zuzenean...
Baina jakina, hobe topikoetan ezkutatzea eta frankotiratzaile finaren mozorroa janztea betiko pitokeriak errepikatzeko (moralismoa).
Beñat Sarasolaren kasuan gainera, bereziki deigarria da, kritiko lanak egiteko orduan izugarri serio eta exijentea dela bere buruarekin esaten baitu elkarrizketetan. Benetan?
Beñat, eztabaida mespretxatzekotan, liburua irakurri dezakezu (ziur gauza ugari topatuko dituzula kritikatzeko, ikuspuntu literariotik zein edukien aldetik eta horri erantzuteko modurik ez da egongo). Bitartean (ez baituzu liburuaren kritika egin behar eta denbora galtzeko beharrik), topiko postmodernoak gorde, benetan iraingarriak baitira.