Naturayala blogak neguaren bukaeraren inguruko testua jaso du:
"Gure eskualdean, urtarrila eta otsaila bitarte euri eta elur pila bota du: 600 litro metro karratuko. A ze marka!
Euri, haize eta hotz egun hauetan urruti zegoela iruditu arren, udaberri hasiera hortxe dago. Argi orduak nabari ugaldu dira eta zerua garbitzean eguzki izpiak somatzen ditugu jada.
Elurra zelaietatik desagertzen doan einean, zelaiak udaberriko egun argitxoak iragartzen diguten “txibiritaz” (Bellis perennis y Bellis sylvestris) betetzen dira.
Bailaran lehenengo loreak azaltzen dira: Otsaba arra eta emea (Helleborus viridis y Helleborus foetidus), San Jose lorea (Primula veris), Gibel belarra (Hepatica nobilis), neguaren ondorioz ia kolorerik gabe gelditu diren zelai eta mendiei kolorea jartzen ausartzen diren lehenak dira.
Sahatsak (Salix atrocinera) aspaldian atera zituen bere lorak, urtaroari aurre eginez.
Badira aste batzuk, egunsenti aurretik, ezteiak iragartzen dituzten hainbat hegaztien kantuak entzuten direla: Txantxangorriak (matxintxus), Birigarroak, Zozoak... elurrak eta euritek ezarritako isiltasunari aurre egiten dioten lehenak dira.
Udaberria iristear dago!
Laister utziko gaituzte gure artean babesa bilatu duten neguko animaliek, Miru gorriak (Milvus milvus) edo negu Txirta zuhurrek (Anthus campestris), adibidez. Berehala azalduko dira garai hontako bisitariak.
Ea nork ikusten duen lehenengo enara!"