Ostiralean herri eskolak egongo dira Amurrioko Institutoan
Ikasle Greba Orokorra deitu du biharko Ikasle Abertzaleak antolakundeak, bai Euskal Herri mailan eta baita Aiaraldea mailan ere. Greba “espainiar estatuko nazio zapalduetako beste ikasle antolakundeekin batera” egingo dutela azaldu dute Aiaraldeko Ikasle Abertzaleek. Izan ere, ugariak izan dira Espainiar Estatuan zehar greba deitu duten sindikatu eta eragileak:
SEPC (Kataluniako Ikasleen sindikatua),
Yesca (Gaztelako gazte antolakundea)
Universidat (Aragoiko ikasle antolakundea)
SAT (Andaluziako Langile Sindikatua)
AGR (Galiziako ikasle antolakundea)
Jaleo (Andaluziako gazte antolakundea)
Regüelta (Kantabriako gazte antolakundea)
Greba honen bidez Espainiar Gobernutik “inposatu” nahi diren murrizketa ekonomiko “basatiei” eta “erreforma atzerakoiei ezekorik tinkoena” azaldu nahi dietela adierazi dute Aiaraldeko Ikasle Abertzaleek. Hala, Laudion eskualdeko manifestazioa egingo dutela jakinarazi dute, bihar, 12:00etan, Lamuza Plazatik abiatuta.
Herri eskolak
Greba osteko eguna, urriaren 12a, Hispanitatearen Eguna da. Horren harira Aiaraldeko Ikasle Abertzaleek esan dute egun horretan ez dutela ezer ospatzeko, “bai ordea eraikitzeko”. Horregatik eskualde mailako herri eskolak egingo dituzte Amurrioko Institutoan, euren “eskola eredua eraikitzeko”.
Grebaren inguruko informazio gehiago hemen.