Basaurbe eta Markijanako araztaileen proiektuak “lehentasunezkoak” eta “premiazkoak” direla adierazi dute
Aiaraldean araztaileak eraikitzearen aldeko mozio bat aurkeztu zuen herenegun Bilduk Arabako Batzar Nagusietan. Mozioa aho batez izan zen onartua, PSEk gaineratutako bosgarren puntu batekin.
Basaurbe (Laudio) eta Markijanako (Aiara) ura garbitzeko azpiegiturak “premiazkoak” bezala sailkatzen ditu mozioak, eta biak eraikitzeari ekitea eskatzen du. Izan ere, 2002an bi proiektu horiek zehaztu ziren Aiaraldeko ur-garbiketaren beharrari erantzun bat emateko asmoz. Baina obrak, mozioaren arabera, ez dira oraindik hasi. Hala, Batzar Nagusiek Arabako Foru Diputazioari obren tramitazioan laguntzea eskatzen diote, “lehen bai-lehen” hasi daitezen.
Hortaz gain, PSEk gaineratutako bosgarren puntuak Laudioko eta Aiarako udalekin elkarlanean aritzea eskatzen dio Diputazioari, obren tramitazioa azkartze aldera.
Argazkiaren azpialdean dago eskuragarri mozioa bere osotasunean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
