Aiarako Koadrillak 2013ko aurrekontuak berretsi ditu gaur. Okondo Bai, EAJ eta PPk aurkeztu diren aurrekontuen alde bozkatu dute eta Bildu, aldiz, aurka. OMNIA, Aiara Batuz eta PSE abstenitu dira. Hori bai, PSEk bozketa egin baino lehen bilkura utzi du protesta gisa.
Sozialistek erabaki hau hartu dute jeltzaleekin eztabaida bizi bat izan ondoren. Prozedura arazo batek sortu du hika mika, hasiera batean. PSEren iritziz, ez zen batere logikoa bilkura aurretik prestatu diren aurrekontu batzuk bozkatzea, bileran bertan erabaki garrantzitsuak hartu direla kontuan izanda. Jeltzaleek, aldiz, batzordean adostutako jarrera bat zela azaldu dute.
Sozialisten eta jeltzaleen arteko tira-birek, dena den, puntu hau eztabaidatu baino lehen egin du eztanda. Aiarako Koadrillaren lehendakaria ez liberatzea adostu denean.
Une historiko bat
Alderdi ezberdinek une historikotzat definitu dute Amurrioko Udalak zabor bilketaren zerbitzua Aiarako Koadrillarekin amankomuntzearen erabakia. Herri eta alderdi guztiek bere poztasuna agertu dute Amurrioko Udalaren proposamen hau onartu eta gero eta jarraipen batzorde bat berehala osatzeko asmoa adierazi dute.