Europako krisi kapitalistari, Palestinari eta Argentinari buruzko hitzaldiak eskainiko dituzte
Aurtengo Brigadak aurkeztuko ditu Askapenak Aiaraldean. Hiru hitzaldi antolatu ditu horretarako Laudio eta Amurrion.
Lehenengo aurkezpena gaur egingo da Amurrioko Kultur Etxean, arratsaldeko seietan, Gazte Asanbladak antolatuta. Palestinari buruzko hitzaldi bat entzuteko aukera egongo da bertan. Bigarren mintzaldi bat antolatu dute gainera asanbladako kideek, Europako krisi kapitalistari buruzkoa, martxoaren 21ean ordu eta leku berean. Bi hitzaldien ostean, aurtengo brigaden aurkezpena egingo dute Askapenako kideek.
Laudion, aldiz, aurkezpen bakarra egingo dute: bihar, Basalarrina Euskal Topagunean, arratsaldeko zazpietan. Argentinako fabrika errekuperatuei buruz mintzatuko dira iaz bertan egondako brigadistak. Fasinpat: Fábrica sin patrones proiektatuko dute gainera, gai bera jorratzen duen dokumentala. Ondoren, galderak egiteko tarte bat utzi eta Brigadak aurkeztuko dituzte.
2012ko Brigaden inguruko informazio gehiago hemen.