Gazteriarekin loturiko albiste, deialdi zein bideoak plazaratuko dituzte bertan
Aiaraldeko gazte talde batek Ziripot ataria sortu du. “Komunikatzea” xede duen webgune horrek Orozko, Urduña, Laudio eta Amurrioko gazteen ahotsak zabaldu nahi ditu, eragile zein norbanakoek gazteriari eginiko ekarpenak bilduz. Hala, “bakoitzaren haria luzatuz sarea osatzera” doazela adierazi dute Ziripoteko kideek.
Horretarako, gazteriarekin erlazionatutako albiste, deialdi eta bideoez hornitutako bloga eraiki dute. Sortzaileen hitzetan, asko dira Aiaraldea “egunez egun” eraikitzen duten eragile zein norbanakoak: gazte asanbladak, kultura eta musika taldeak, Gazte independentistak, ikasle mugimendua… Baina mugimendu hori guztia elkartzeko “plaza baten gabezia” zegoela azaldu dute. Hutsune hori betetzera dator, euren hitzetan, Ziripot ataria.
Gainera, Aiaraldeko gazteak proiektu honetan parte hartzera animatzen dituzte, kontakturako e-mail bat eskainiz: ziripot_aiara@hotmail.com
Ziripot ataria bisitatzeko egin klik hemen.