Aldai kaleko zenbait auzokidek oinezkoen segurtasuna gehiago bermatzea eskatu dute. Horretarako, kale horretako 19. zenbakian dagoen semaforoaren parean oinezkoentzako pasabide bat eraikitzea eskatu diote udalari. Izan ere, errepide horretan ibilgailuak gehiegizko abiadurarekin ibili ohi dira, eta horrek egunero errepidea zeharkatu behar duten bizilagunen segurtasuna arriskuan jartzen du.
Baina oinezkoen pasabide bat eraikitzea ideia ona ez dela ondorioztatzen da Udalak gai honen inguruan eskatutako informean. Izan ere, pasabidea kokatuta egongo litzatekeen puntuan kurba bat eta aldapa-gainalde bat daude, eta horrek gidari eta oinezkoen ikusmenean eragiten du.
Dena den, udaleko teknikoek arazoari irtenbidea emateko beste aukera bat aztertzen dagoela adierazi diete auzokideei. Aukera hau abiadura jaisteko banda batzuen instalazioan oinarrituko litzateke. Horrek, beharrezko seinalizazioarekin batera, gaur egun dagoen arriskua gutxiko ahalko luke. Proiektuak 1430 euroko kostua izango luke eta dagoeneko Hirigintza Komisiora helarazi dute bertan eztabaidatu eta baloratua izan dadin.
Horretaz gain, teknikoek gaineratu dute oinezkoen pasabidea Iritxusi kalearen alboan jarri ahalko litzatekeela, bertan beharrezko ikusmena bermatu egingo litzakeelako.