Amurrioko La Kuadrako kideek desajolo mehatxu bat jaso zuten pasaden astean. Jasotako gutunean baserri okupatu horretan ekintzak egitea debakatua geratzen zela azpimarratzen zen. Horregatik, La Kuadrako kideek datorren astebururako prestatua daukaten Defenestre Fest jaialdia bertan burutzen den azkena izan daiteke.
Azkena izango denik ezin da zihurtasunez jakin. Baina honakoa bertan aspaldidanik antolatzen den jaialdirik beteena izango dela argi dago. Ostiralean dozena bat talde baino gehiagoren kontzertuez gozatzeko aukera egongo da, eta larunbatean beste horrenbeste. Baina, musika ez da jaialdiko protagonista bakarra izango. Bi egunetan zehar kontaezin ahala ikuskizun, hitzaldi, tailer, antzerki, azkari eta abarrek koloreztatuko baitute La Kuadraren etorkizun beltza.
Egia esan, jaialdiko programazioak agur baten itxura handia dauka, handiegia baserriaren gainean jira-biraka dabilen mehatxua kontuan hartuta. Baina antolatzaileek adierazi dute ez udalak ez inork ez diela festa zapuztuko. Eta horregatik jende guztia La Kuadrara joatera animatzen dute, bai jaialdia baino lehen eta bai jaialdia bitartean. Izan ere, desalojoa edozein momentutan gauzatu daiteke, gutunean ez baitzen datarik zehazten. Aukera ezinhobea urteetan zehar astebururo alternatibak eskaintzen ibili den eraikin honen alde egiteko.
Egitarua bere osotasunean irakurtzeko eta informazio gehiagorako: http://www.myspace.com/lakuadraamurrio/