Duela hamaika urte (eta hamaika diogunean asko esan nahi dugu) hemezortzi urteko gazteak soldaduska egitera jo behar zuten urtean guztiak batera ateratzen ziren Urduña zein Amurrion Agate Deunari kantatzera. Egun, ordea, iragan mendearen azkenetan derrigorrezko zerbitzu militarra kendu zutenetik bi herri hauetako ohitura honek beste zentzu bat jaso izan duela esan dezakegu, nolabaitean jaigiroarekin soilik loturiko konnotazio bat. Nahiz eta intsumisoek borrokatu behar izan zuten garai haietako zerbitzua, militarren hatzapar haiek, gurengandik urrunago ditugunaren irudipena egon egun ez litzateke komeniko gaurko jai honetan atzoko sakrifizio antzua ahaztea.
Amurrion lehenik, gero Urduñan... kintoen jai giroak Aiaraldeako bi txoko hauek betetzen dituen artean aukera ezinobea izango du orok primera pasatzeko. Lehengo zita datorren larunbatean, hots, otsailaren 11n izango duzue Amurrion. Mozkorra (opzionala edo nahitaezkoa pertsonaren arabera) eta berbena ezinobea. Goizeko lehen argizpiak Tologorritik atera artean dantzan aritzeko plan bikaina, ezbairik gabe. Ez ahantz.