Tradizio asko polemikoak izan ohi dira. Eta datorren larubatean Laudion ospatuko den San Blas azoka ez da sabuespena izango. Batzuentzako egun alai batez gozatzeko aukera dena, beste batzuentzako txerri baten hilketa espektakulu bihurtzen duen ospakizun krudela baino ez da.
Argi dagoena zera da, badagoela beste ezaugarri bat tradizio guztiek daukatena
eta Laudioko San Blasak ere bere egiten duena. Alegia, urte batetik bestera programazioan ia aldaketarik jasotzen ez duela.
Hala, urte guztietan bezala, goizean feriaz gozatzeko aukera egongo da Aldaiko plazan hamarretatik aurrera. Bertan txistulari, aizkolari, harrijasotzaile eta abarrez gozatzeko aukera egongo delarik (ohi lez). Ondoren, ordubatetan, Arlotes abesbatzaren emanaldia eskainiko da eta handik ordu laurden batera baserriarrei omenaldia egingo zaie.
Gero, arratsaldeko seietatik aurrera, euskal dantzak, gaztain dastaketa eta txokolatada egongo dira, ordu bat geroago Fi ta Fik taldearen erromeriari paso emateko. Zortzietan txerria pisatuko da eta ordu erdi bat geroago zozketa burutuko da.
Argi dago: ezer gutxi aldatu egin da ospakizun honen eskema urte guzti hauetan zehar. Baina horrek ez du zertan zerbait negatiboa izan behar. Gaztelaniazko esaherak dioen bezala, urtean behin ospatuta, ez baitu minik egiten.
Hala bedi ba.