Bihar, igandea, ikastolen aldeko hainbat eta hainbat euskaltzale bildu egingo dira gogo biziz Agurainen, bertan ospatzekoa den Araba Euskarazaren lemari jarraituz.
Bertaratu egiten den oro herria inguratzen duten 4 gunetan banatutako jaialdi batez gozatzeko aukera izango dute. Besteak beste, Betagarri edota Laia bezalako taldeen kontzertuak egongo dira; eta baita euskararekin erlazionatutako beste hainbat ekintza ere. Hortaz gain, txikienek tailer eta puzgarriekin jostatu ahal izango dira egunaren amaierarate.
Baina hau ez da Araba Euskaraz jaia “Sorginen herrian” ospatu egiten den lehen aldia. 1985. urtean ere Euskal Herri osoko euskaltzaleak bildu egin ziren bertan, garai hartako ikastolarentzat dirua biltzea helburu zuen ospakizunean parte hartzeko asmoarekin. Urte asko igaro dira data hartatik, eta esfortzuak bere fruituak eman dituela dirudi, urtero ospatzen diren ekitaldi honen arrakasta ikusirik.
Hortaz gain, aipatzekoa da aurten Araba Euskaraza Agurainera itzularazi duen ikastolaren gaztetasuna. Izan ere, kurtso bateko ibilbidea baino ez dauka festa antolatzeko ardura bere gain hartu egin duen Lautada ikastolak, euskal herriko ikastolarik gazteenetarikoa delarik.
Beraz, ikastola honen ibilbide motza bere horretan gera ez dadin, milaka pertsona biltzekoak dira bihar Arabako herri honetan. Gainera, jaiari hasiera eman bitartean, lekukoa Laudio Ikastolari igaroko zaio. Gure haraneko ikastola hauxe izango baita, hemendik urte batera, Araba Euskaraza Aiaraldeara ekarriko duena.
Informazio gehiago www.arabaeuskaraz.net webgunean aurkituko duzue.