Pasa den urriaren 1ean Amurrion zehar hegan zebilen putre ar batek, bere hegaldiari ekin ezinik zegoelarik, Lanbide Heziketaren eraikuntzako teilatuan pausalekua topatu zuen.
Iskanbila sortu zen, eta horrekin batera jendearen hurbiltzea. Hegaztiak hegalak astindu ondoren sarrera nagusira joan zen, Ulises institutuko txakur izutuarengana. Jendea pilatuz joan zen, eta aldi berean ikusteko grina handitu.
Flashek eta argazkiek barra-barra leku guztietatik beraien kliskak egiten zituzten. Horrela hegaztiari pazientzia agortu zitzaion eta hegan eginez beste teilatu batera aldendu zen.
Une horretan zer gertatzen zen ikustera Aldundiko langileak hurbildu ziren eta ikusita non zegoen putrea, suhiltzaileak deitzea erabaki zuten. Hauek teilatutik itzelezko jazartzeari ekin zioten, azkenik hegaztiak ihes egitea lortu zuelarik. Jakin dugunez putrea harrapatua izan omen da onik ondoko landa batean, ihes egitearen ondorioz nekaturik, antza.
Testua eta argazkiak: Zaraobe Institutuko zuzendaritza
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide