Zinemagilea soilik ez, idazlea ere bada Kepa Sojo Gil laudioarra. Hainbat liburu-atal zein artikulu idatzi ditu, eta argitaratu ditu baita ere zenbait liburu propio: bost guztira, zinemari buruzkoak denak.
Iragan abenduan plazaratu zuen bere azken lana: El verdugo: Guias para ver y analizar.
Lau liburu lau urtetan
Nahiko azkar idazten du Sojok. 2006tik 2009ra bitartean plazaratu zituen bere lehen lau liburuak, bat urte bakoitzeko.
Lehen liburuan zinema alemaniarraren historia jorratzen zuen. Pelikulen soinu banden euskal konposatzaileak izan zituen hizpide bigarren lanean, eta zinema begikarra hirugarrenean.
Laugarren liburuan, aldiz, ez zion horren gai zabalari heldu. Bienvenido Mister Marshall filmari buruzko ikerketa sakon bat egin baitzuen.
Pelikula horren zuzendariarena (Luis Garcia Berlanga) da, hain zuzen, Sojoren azken liburuaren funtsa: El Verdugo. Komedia beltz hori sakonki aztertzen du laudioarrak bere azken liburuan, “lengoaia akademikoari muzin egin gabe, baina hizkera erraz eta dibulgatzaile bat balituta”.
Gaur Lanbide Heziketan
Gainera, Kepa Sojo gaur egongo da Laudioko Lanbide Heziketa Ikastetxeko areto nagusian. "Hileta" filma aurkeztuko du eta "Loco con ballesta" lana ere emango dute. Bukatzeko, solasaldia eskainiko du. 19:00etan izango da hitzordua.