Aste honetan Martin Scorsese zinemagile amerikarraren azken pelikula nahi dizuet gomendatu. Ez da, ezta hurrik eman ere!, lan erraza “Silence” (2016) hau. Izan ere, Scorseseren izena beste zine mota batekin lotu izan baitugu beti. Zinta honetan, indar izugarria duten irudiak baude ere, zinez munta handia duena pelikulak planteatzen duen hausnarketa da. Hau honela, fisikoa barik, filme metafisikoa dela esan daiteke. Honek, pelikula aspergarri baten aurrean gaudela pentsaraz diezaguke. Are gehiago zinta luzea dela kontuan harturik, baina ezin esan hala denik. Nire uste apalean behitzat, sano interesgarria den lana dugu hau.
Taldekide baten bila Japoiniara joango diren jesuita bik gorriak ikusiko dituzte, eurentzako eremu arrotza den batean gainera, euren sinesmenak direla eta. Zuzendariak berak dioen bezala, fedea berreskuratzeko fedea galduko duen apaiza baten gorabeherak kontatzen dizkigu pelikula honek.
Ezer gutxi esan daiteke Martin Scorseseri buruz dagoeneko esan ez dena. Nik uste, Oscar sarien historian zehar egin diren bidegabekerien artean handienetakoa Scorseseri egin ziotela “Toro Salvaje” (1980) bezalako artelan bati barik, saria erabat estimagarria den “Gente Corriente” (1980) filmeari eman ziotenean.
Zinema proposamena: Silencio
Fitxa teknikoa
Jatorrizko izenburua: Silence
Zuzendaria: Martin Scorsese
Gidoilaria: Jay Cocks, Martin Scorsese
Aktoreak: Andrew Garfield, Adam Driver, Liam Neeson...
Herrialdea: AEB
Iraupena: 159 minutu
Ekoizpen-urtea: 2016
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide