Prentsaurrekoa egin dute gaur goizean Hego Uribeko EH Bilduren hautagaiek. Bertan parte hartu dute Arakaldo, Urduña eta Arrankudiaga-Zolloko alkateek, besteak beste.
AP-68 autobidea izan dute mintzagai. “2017ko urtarrilaren 1etik aurrera bizkaitarrek gehienez 30 euro ordaindu behar dituzte Bizkaiko autopistak erabiltzeagatik, Bizkaiko Foru Aldundiak emandako hobariak direla eta”, azaldu dute koalizioko kideek, baina gaineratu dute hobari horietatik kanpo geratu dela A-68 autobidea.
EH Bilduko kideek azaldu dute hobari hori izateak autobidea erabiltzera bultzatuko lituzkeela “ibilgailu astun asko”. Modu horretan uste dute Bi-625 errepideko trafikoa “arindu” egingo litzatekeela Arrigorriaga, Ugao, Arrankudiaga eta Arakaldotik igarotzean.
“Eskubide gutxiagoko herritar”
Hortaz gain, hautetsiek azpimarratu dute Arako Foru Aldundiak hobariak ematen dizkiela autobide hori erabiltzen duten arabarrei. “Autopista hau batez ere Hego Uribeko herritarrok erabiltzen dugu, eta AP-68 Bizkaian hobaririk ez duen autopista bakarra izateak, gainontzeko bizkaitarrak baino eskubide gutxiagoko herritar bihurtzen gaitu”.
Mozioak udaletan
Hori guzti hori dela eta, EH Bilduko kideek adierazi dute mozio bat aurkeztuko dutela Hego Uribeko udal guztietan. Bi gauza eskatuko dituzte mozio horretan: Eusko Jaurlaritzak Espainiako Gobernuari AP-68 autobidearen eskuduntza eskatzea eta Bizkaiko Foru Aldundiak hobariak ematea errepide hori erabiltzen duten bizkaitarrei.
AP-68ak gainontzeko autobideek dituzten hobariak izatea eskatu du EH Bilduk
Mozioak aurkeztuko dituzte Hego Uribeko udal guztietan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide