Bi sute piztu dira gaur eskualdean, Belandian eta Orozkon, hain zuzen. Belandiako gertakaria erdiko auzoan izan da eta Bizkaiko zein Aiarako suhiltzaileek parte hartu dute itzaltzeko lanetan. Tximiniak hartu du su. Gauzak horrela, eurek adierazi dute helikopteroak pertsona bat -bertan bizi dena, alegia- ospitalera eraman behar izan duela kea arnasteagatik.
Bestalde, Orozkoko Larrazabal kaleko etxebizitza batean piztu da sutea gaur 13:00ak aldera. Suhiltzaileek azaldu dute sukaldean gertatu dela eta erauzgailua kaltetu dela.
Hala ere, nahiz eta suhiltzaileak, Ertzaintza eta anbulantzia Orozkokora bertaratu, etxebizitzako jabeek itzali dute sua. Hori bai, suhiltzaileek hartu dute ardura lekua aireztatzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
