Zurrumurru xenofoboen aurkako estrategiak landuko dituzte Amurrion eta Laudion

Laudion eginiko kultur aniztasunaren aldeko ekimen baten irudia. Argazkia: aiaraldea.eus

Ostegunean egingo da herritarrentzako tailerra Amurrion eta martxoaren 5ean Laudion.

Zurrumurru xenofoboen aurkako kanpaina plazaratu du CEAR Euskadik (Errefuxiatuen Laguntzarako Euskadiko Batzordeak). Eskualdean  presentzia izango du ekimen horrek, Amurrion eta Laudion egingo diren ekimenen bidez. Zurrumurruen aurkako formazio tailerrak egingo ditu CEAR Euskadik bi herri horietan. Amurriokoa ostegun honetan (otsailak 23)  izango da, 18:30etatik 20:30etara arte Kultur Etxean. Laudiokoa, aldiz, martxoaren 5ean izango da (igandea), 11:00etatik 13:00etara udaletxeko erabilera anitzeko aretoan.

Parte hartze irekia
Herritar guztiei zabaldu diete parte hartzeko gonbita. “Zurrumurru xenofoboak desmuntatzeko tresna eta estrategiak ikasteko balioko du tailerrak, eta baita kultur aniztasunean oinarritutako elkarbizitza bat nola eraiki jakiteko ere”, antolatzaileek azaldu dutenez.

Ekimen hori ez da CEAR Euskadik eskualdean martxan jartzen duen ekimen bakarra. Bizilagunak programa plazaratu zuen iaz, zeinetan Aiaraldeko hainbat familiek parte hartu zuten.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide