Ingurumen, Lurralde Plangintza eta Etxebizitza batzordean eztabaidatuko dute EH Bilduren egitasmoa gaur 12:30ean eta hemen egongo da eztabaida zuzenean ikusteko aukera. Eskualdeko ibaien saneamendua landuko dute, bereziki Markixana eta Basaurbeko araztegien eraikuntza.
Hala ere, aipatuko dituzte baita Aiarako edo Artziniegako kasuak, bertan ere ur beltzak ibaira isurtzen baitira.
EH Bilduk 6 puntu aldarrikatuko ditu:
1.- Legebiltzarrak eskatzea Jaurlaritzari premiatu dezala Espainiako Gobernua
Nerbioi Goienako Saneamendu sistemaren aurreproiektu eta proiektuen erredakzioa
amaitzeko, ahalik eta azkarren lizitatu eta esleitzeko.
2.- Legebiltzarrak Jaurlaritzari eskatuko dio, URAren bitartez Basaurbe eta
Markixanako Hondakin-uren Araztegiak eta kolektore sarea egiteko beharrezkoak diren
orubeak erosi edo espropiatzeko beharrezkoa den dirua 2017ko aurrekontuetatik
bideratu dezala.
3.- Legebiltzarrak URA eta Arabako Foru Aldundia beharrezkoa den lankidetza-
hitzarmena sinatzera premiatzen ditu, Arabako Foru Aldundia izan dadin, eskumena
duen URAren esku-ordez, behar diren espropiazioak egiten dituena.
4.- Legebiltzarrak Arabako Foru Aldundia premiatzen du, Markixanako Hondakin-
uren Araztegia eraikiko den orubeen zati baten jabe den neurrian, hasi dadila bat-
batean jabe mugakideekin beharrezkoak diren trukaketak egiten, orube guztiak
Aldundiaren esku egon daitezen.
5.- Kantauriko Urkidetzak esan bezala, Legebiltzarrak inplikatuak dauden
adiministrazio guztiak elkarlanean hasi daitezen premiatzen du.
6.- Legebiltzarrak URA eta Arabako Foru Aldundia premiatzen ditu, bakoitza bere
eskumenen arabera, Aiaraldea osorako saneamendu plan integral bat planifikatu eta
burutzera. Plan honek arro guztiak bere onera ekartzeko neurriak izango ditu.