Asteazkenean, apirilaren 5ean, kaleratuko da Aiaraldea Egunkariaren hurrengo alea. Izan ere, datozen egunetan Korrikako zuzeneko kontaketa izango da nagusi Aiaraldea Gaur hedabidean.
Erreportaje nagusia erabakitze eskubidearen aldeko ekimerari buruzkoa izango da, alderdi politiko gehienek egin baitute bat Aiaraldeko Gure Esku Dagok plazaratutako manifestuarekin.
Kultur orrietan, berriz, Serapio Lopez baranbioarraren elkarrizketa plazaratuko da, Arabako bertsolari txapelketako finalean seigarren geratu baitzen. Kirolari dagokionean Mugendo Arte martzialaren nondik norakoen inguruko erreportajea izango da ardatz, Amurrrion ehundik gora laguneko eskola baitago. Horrez gain, Tasio martin eskalatzaile urduñarraren helburuak eta lorpenak ezagutzeko parada izango dute irakurleek. Bestalde, Agurtzane Tirado Hidalgo amurrioarrak telebistako "First Dates" saioan bizitako abenturak eta kalenturak kontatuko ditu.
Egunkari eraberritua, laberako bidean
Apirilaren 27an argitaratuko da hurrengo Aiaraldea egunkaria. Ez da ohikoa izango, gainera. Izan ere, "Aiaraldea aldatzen ari gara" prozesuaren baitan diseinu, ezaugarri eta atal berriak izango ditu.