aiaraldea.eus

Aiaratur elkartea desagertuko da Aiarako Kuadrillan integratzeko

Erabiltzailearen aurpegia Erredakzioa   Ekonomia  Aiaraldea

Turismoa sustatzeko elkartea Aiarako Kuadrillan integratzeko prozesua abiatu dute. Aiaratur ekainaren 30ean desagertuko da.

Aiaratur elkartea desagertuko da Aiarako Kuadrillan integratzeko
Aiaratur elkartearen logoa. | Ikusi handiago | Argazki originala

Aiarako Kuadrillaren osoko bilkuran landu zuten gaia atzo. Gentza Alamillo Aiaraturreko presidenteak azaldu du asmoa dela elkartea desagertzea kuadrilla osatzeko, bere ardurak erakundeak kudeatu ditzan.

Momentuz, txosten juridikoa prestatzen ari dira eta erabakitzeke dago oraindik zein izango den kuadrillak hartuko dituen langileak eta egitura. Momentuz, Laudioko turismo bulegoa kudeatzen zuen enpresak utzi dio zerbitzua eskaintzeari modu aldebakarrean.
Aiaratur erakunde publiko eta pribatua izanik, Gentza Alamillok argitu du esparru pribatuarekin elkarlanean jarraituko dutela hitzarmenen bidez.

Kuadrilla epaitegira
Modu berean, atzoko bilkuran Aiarako Kuadrillak jorratu zuen astelehenean izango duen epaiketa. Langile batek salatu du autonomo moduan egon dela kontratatuta denbora luzez erakundean, eta postua eskatu du.

Erakundeak onartu du kontratazioa ez zegoela ondo eginda eta atzo sortu zuen lanpostua langile zerrenda publikoan. Beharginak jarraituko du bertan, behin betiko oposizioa deitu arte, gutxienez.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa