Uztailaren 8an izango da IV. Peregaña igoera

Izar Mendiguren Cosgaya 2017ko ekainaren 14a
Deskargatu Info Ahotsak :

2015eko edizioko irudi bat. / Peregaña igoera

Laugarren aldiz antolatu dute Peregaña igoera mendi lasterketa.

Eskualdeko eta kanpoko mendi korrikalariek badute hitzordu berria: uztailaren 8an izango da Peregaña igoera. Laugarren edizioa izango da aurtengoa, eta 18:00etan abiatuko da Erretes de Lantenotik. Aiarako lurretan barrena ibiliko dira partaideak. Guztira, 11.5 kilometroko ibilbidea osatu beharko dute, 550 metroko desnibelarekin.

Arabako mendi lasterketen koparen barnean dago lasterketa. Izen-ematea zabalik dago dagoeneko www.turesultado.es webgunean. Ekimenaren inguruko informazio gehiago jasotzeko "Peregaña igoera" facebook orria kontsultatu daiteke, edo peregaina.igoera@gmail.com helbide elektronikora mezua idatzi.

Iazko edizioaren eta Erretes de Tudelako jaietako bideoa:

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide