Gaur eskainiko dute Ganekogortan grabatutako ETB1eko "Gailurra martxan" programa

Izar Mendiguren Cosgaya 2017ko ekainaren 15a

Eskualdeko hainbat lagunek hartu zuten parte grabaketan / Aiaraldea

Ganekogortara bidean grabatutako "Gailurra martxan" saioa emitituko dute ETB1 katean gaur 22:15ean. Hainbat aiaraldearren elkarrizketak egongo dira ikusgai.

Gaur gauean eskainiko dute "Gailurra martxan" telebista saioa. 22:15ean izango da emanaldia, ETB1 katean. Irati Anda eta Andoni Aizpuruk aurkezten dute saioa. Maiatzaren 28an egin zuten grabaketa, eta besteak beste, Arrankudiagako musika eskolakoak agertuko dira. Baita zenbait musikari ezagun ere, Maider Zabalegi bakarlaria (Alaitz eta Maiderreko pandero jotzaile ohia) eta Agus Barandiaran, Korrontzi taldeko trikitilaria aritu baitziren ibilaldia girotzen. Laudioko Ermualdetik eta Arrankudiagatik abiatu ziren mendizaleak tontorrerantz. Arrankudiagar eta zolloar ugari bildu zen Altzisketa iturrirako bidean.

Promozio bideoa, sarean ikusgai
Saioaren aurrerapen gisa bideo laburra sareratu dute ekoizleek. Airetik hartutako irudiak ikus litezke bertan, baita Ganekogortan eginiko soka-tira erronka ere.

Komunikazioa

Erlazionatuak

Arrankudiaga-Zolloko eta Laudioko herritarrak grabatu dituzte "Gailurra martxan" telebista saioan

Erabiltzailearen aurpegia Txomin Egiluz 2017 mai 29 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide