Oinarriak
Parte hartzeko nahikoa da argazki-kamerarekin edo sakelako telefonoarekin zure ustez interesgarria den leku, gauza, momentu edo pertsona bati argazkia egitea eta testu txiki batez laguntzea. Parte hartzeko modu asko daude. Batetik, webgunera zuzenean igotzea. Bestetik, “Whatsapp” aplikazioaren bidez irudia helaraztea (688 848 152 telefonora). Bestalde, sare sozialetan (Twitter, Facebook eta Instagramen) #Udariklik traola erabilita eta @aiaraldea aipatuta ere hartu ahalko da parte.
Aiaraldea hedabideak udan ere, munduan barrena oporretan dauden zein inguruetan udaz gozatzen duten Aiaraldeko herritarrak euskaraz harremantzeko topagune digitala eskaini nahi du. Gauzak horrela, bidalitako argazkiak -monumentuak edo eraikinak, paisaiak edo lagun arteko giroa, herriko jaietako irudiak- eta igorritako testuak osatzen duten osotasuna baloratuko da.
Parte hartzeko baldintzak
Lehiaketa Aiaraldean bizi diren herritar guztiei irekita dago, ondorengo udalerrietako erabiltzaileei: Urduña, Laudio, Amurrio, Aiara udalerria, Orozko, Artziniega, Okondo, Arrankudiaga-Zollo eta Arakaldo. Lehiaketan parte hartzeko aurkeztuko diren irudiek udarekin izan behar dute zerikusia Parte hartzaile bakoitzak nahi beste argazki aurkeztu ditzake, baina zozketarako zenbaki bakarra eskuratuko du.
Lehiakideek norbanako mailan esku hartuko dute; ondorioz, argazki batek egile bakarra izan dezake edo behintzat aurkeztuko duen pertsonak sinatuta baino ez da egongo. Ezingo dira aurretik beste lehiaketa batean aurkeztutako irudiak bidali.
Epaimahaia
Epaimahaia Txemi Llano argazkilariak, Txani Rodrigez idazleak eta Lucia Menoyo Aiaraldea hedabideko kolaboratzaileak osatuko dute. Epaimahaiaren erabakia ezingo da eztabaidatu edo ezingo zaio gaitziritzi. Irabazleei posta elektronikoz emango zaie erabakiaren berri. Irabazleekin harremanetan jarritakoan web-gune honetan emango da horren berri.
Lanak aurkezteko moduak eta epea
Lehiaketan parte hartzeko epea 2017ko irailaren 21a da (udazkenera arteko epea). Argazkiak muga egun horretara arte bidali daitezke. Derrigorrezko baldintza da postalen testua euskaraz idatzia izatea. Argazkiarekin batera bidali beharko da:
- Egilearen izen-abizenak
- Herria
- Harremanetarako kontaktua
- Irudia eta irudiaren testua. Ez dira onartuko mezu iraingarriak dituzten postalak.
Parte hartzeko moduak, berriz, honakoak izango dira:
- Webgunea: atariko gune berezira edukia igotzea.
- Sare sozialetan (Twitter, Instagram eta Facebook) partekatzea irudia eta mezua, @aiaraldea eta #UdariKlik aipatuta.
- Emaila edo whatsappa: Postala 688848152 zenbakira edo lehiaketak@aiaraldea.eus helbidera bidaltzea.
Kategoriak eta sariak
Testuaren originaltasuna eta argazkiaren kalitate artistikoa sarituko dira. Beraz, ezinbestekoa da irudia testu batekin lagunduta aurkeztea. Hauek dira kategoriak eta sariak:
- AIARALDEA: Eskualdeko irudiak (Saria: 2 lagunentzat dastatze menua Guzurtegi jatetxean)
- UMOREA: Lanik umoretsuena (Saria: 4 lagunentzat abentura ekintza Dobra abenturan)
- BIDAIA: Aiaraldea kanpoko argazkiak (Saria: 2 lagunentzat menu berezia Arrigorri ostatuan)
- GIF:Boomerang edo timelapse ederrena (Saria: 2 lagunentzat egonaldia eta gosaria Arcos de Quejanan)
- MARRAZKIA: Udako haurren marrazkia (Saria: Artelan papertegiko margo maleta)
- PUBLIKOAREN SARIA: Udariklik atalean bozka gehien jasotzen dituen irudiaren egileak Aiaraldeko produktu sorta irabaziko du.
Europara asteburuko bidaia baten zozketa
Partaide guztien artean 2 lagunentzat asteburuko bidaia zozketatuko da Paris, Londres, Amsterdam, Erroma edo Bruselasen Wegoaz agentziaren eskutik. Postala aurkezten duen egile bakoitzak zozketarako zenbaki bakarra eskuratuko du. Irailaren 25ean, lehiaketako irabazleekin batera emango da saridunaren berri.