Euren lan baldintzak hobetzea lortu dute Aiaraldeko Enviser enpresako langileek, lan-hitzarmen berria negoziatzea lortu baitute enpresaren zuzendaritzarekin.
Hainbat hobekuntza jaso dute hitzarmen horretan. Soldata igo egingo zaie langileei. % 2ko igoera aplikatuko zaie aurten eta % 3ko igoera urtero 2018tik 2021era arte. Hortaz gain, orain arte jasotzen ez zuten plusa jasoko dute langileek, lanaren toxikotasun eta arriskugarritasunagatik.
Horren gain, ELA sindikatuak azpimarratu du hurrengoa: "Lorturiko akordioan oso hobekuntza nabariak jaso dira, besteak beste: % 30etik gorako soldata-igoerak 2021. urtera arte, erabilera askeko 2 egun, 25’ ogitartea hartzeko, 2 opor-egun gehiago, bajetan hobekuntzak, antzinatasuneko beste hirurteko bat gehitzea, aurrera-eragin mugagabea, inaplikaziotik blindatzea, eta abar."
Greba, bertan behera
Hainbat greba egun egiteko asmoa zuten langileek, zuzendaritza presionatzeko, baina aurretik akordioa lortu dutenez, bertan behera utzi dute deialdia.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
