aiaraldea.eus

Dokumentala grabatuko dute Gorobeleko artzainei buruz astelehenetik aurrera

Erabiltzailearen aurpegia Aitor Aspuru Saez   Kultura  Aiaraldea

Enrique Arberas biologoak sustatu du proiektua eta Jose Luis Urrutiak egingo du. "Trasterminancia. Los últimos pastores  de Sierra Sálvada" da momentuz dokumentalaren izenburua.

Dokumentala grabatuko dute Gorobeleko artzainei buruz astelehenetik aurrera
Grabaketari ekin baino lehen landa lana egiten egon dira Gorobelen./ Jose Luis Urrutia | Ikusi handiago | Argazki originala

Astelehenean hasiko dira dokumentala grabatzen eta Gorobel eta inguruko artzainak izango dira protagonistak. Filmak landuko du euren garrantzia eta mendi zerrari lotutako bizimodua, antzina eta orain.

Bitarteko ugari, dronak ere
Salvagoro elkarteak ordainduko du pelikula eta Enrique Arberas da bultzatzailea. Jose Luis Urrutiak hartuko du bere gain ikus-entzuneko lanen ardura eta horretarako Txarly Maqués JyT Kreaktiboseko kidea izango du ekoizpenean, Karlos Trijueke kamaran, dronean eta edizioan eta Santi Yaniz argazkilaritzan eta dron grabaketan.

Dokumentalean hainbat jende agertuko da: Juanjo Hidalgo historialaria, eskualdeko artzainak eta gaztagileak, Fermin Leizaola etnografoa, Batis Otaegi Artzain Eskolako zuzendaria, Luis Padura eskultorea...

Gutxienez, 8 egunez luzatuko da grabaketa, 5 edo 6 egun hurrengo astean eta beste bi abuztuan.

Finantzazioa
Dokumentalaren arduradunek jakinarazi dute aurrekontua ez dagoela itxita eta laguntza gehiago beharko dutela. Printzipioz, Urduña, Amurrio eta Aiarako Udalei eskatu diete ekarpena egitea eta, horrez gain, Arabako Artzain Txakurren Aldeko Elkarteak (ARATE), Berriak supermerkatuek, Arzabe Autocaresek eta Cárnicas Burutxagak dirua jarriko dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa