Gorka Aginagalde aktoreak Orozko eta Laudio bisitatu ditu "Como pez en el agua" telebista saiorako

Erredakzioa 2017ko abuztuaren 30a
Deskargatu Info Ahotsak :

Laudion grabatu dute saioaren zati bat./ aiaraldea.eus

"Como pez en el agua" saioko taldeak grabaketak egin ditu Orozkon eta Laudion gaur goizean.

Gorka Aginagalde antzezleak hartzen du parte "Como pez en el agua" saioan, besteak beste. Gaur Orozkon eta Laudion grabatu dute programa. Aida Fuentes Iza okindegiko jabearekin aritu da solasean.

Saioaren muina da artista ogibide berri baten jabe bilakatzea atal bakoitzean, profesional baten laguntzarekin. Horretarako bart 03:00etan agertu da Orozkoko Izako obratzailean,  eta ogia egiteari ekin dio. Ogi mota bat asmatu du: "pandereta". Hala, gero, baserriz baserri joan da auzokideei saltzen.

Horren ostean, Laudiora joan da Iza okindegia ezagutzeko. ETB2n emitituko dute gaurko lana hilabete barru, gutxi gorabehera.

Iza okindegia behin baino gehiagotan agertu da telebistan. Apirilean, esaterako, "Historias abocadas" grabatu zuten bere obratzailean.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide