Aiaraldeari begirako lehen egitaraua osatu du LAIA Eskolak. Martxotik ekainera bitartean aritu izan dira eskualdeko udal, kuadrilla eta emakume elkarteak elkarlanean proiektuari itxura ematen. “Emakumeentzako prestakuntza gauzatu eta euren parte hartze publikoa handitzea eta sendotzea da helburua, jendartea eraldatzeko eragile aktiboak izan gaitezen”, adierazi dute proiektuaren sustatzaileek.
Hainbat ikastaro, tailer eta hitzaldi egingo dituzte horretarako, eta azpimarratu dute egitasmoa “irekia” dela, “denontzako tokia dago, denon premia dagoelako desberdintasun egoera aldatzeko eta jendarte justuagoa lortzeko”.
Mota askotariko ekintzak barnebiltzen ditu egitarauak: Gimnasia, umorea, eskualdeko emakumeen topaketa, mekanika tailerra, ekonomia feministari buruzko jardunaldia, desprizezatze eta autodefentsa feminista tailerrak eta mendian orientatzen ikasteko saioa egongo dira. Hemen ikusi daiteke tailer guztiei buruzko informazio zehatza.
Izen-ematea
Ikastaro guztiak doakoak dira baina hiru egun lehenago eman behar da izena, ondorengo kontaktu hauetakoren bat baliatuta:
*Aiara, Artziniega, Okondo. cayala.miren@ayto.araba.eus. 686587889
*Amurrio: raguilar@amurrio.org. 945891161
*Laudio: berdintasuna@laudio.eus. 94 4034850
*Orozko: berdintasun.orozko@bizkaia.org 94 6339633
*Urduña: berdintasuna@urduna.com 945 383003
Haurtzaindegi eta garraio zerbitzua
Antolatzaileek adierazi dute haurtzaindegi eta garraio zerbitzua egongo dela, baina aurretik abisatu beharko da baliatu ahal izateko.