Datorren asteko asteburuan hitzordu bikoitza edukiko dute bizikleta zaleek. Batetik, Urduñako ziklokross proba antolatuko du hiri bizkaitarreko Txirrindulari Elkarteak. Larunbatean izango da zita, Herri Eskolaren aldameneko zelaian. Izen-ematea, baina, hilaren 5ean itxiko dute. Iragan astean hasi ziren zirkuitua egokitzen. Besteak beste, zezen-plaza eta zelai guneak zeharkatuko ditu ibilbideak; eta ohi bezala, arrapala ugari egongo dira. Ikustera doazenentzat txosna jarriko dute Urduñako herri ikastetxean, herria girotzeko asmoz.
BTT erronka
Kuskumendi MTBk, bestalde, "Ilunabarra erronka" prestatu du urriaren 8rako. 9:30ean abiatuko dira partaideak Juan Urrutia plazatik, eta 43 kilometroko ibilbidea gauzatu beharko dute, 1.300 metroko desnibelarekin. Aurrez izena ematen duten federatuek 15 euro ordaindu beharko dituzte, eta gainontzekoek 18€. Egunean bertan apuntatzen direnentzat probak 25€ balioko ditu.
Urriaren 7an eta 8an izango dira norgehiagokak, hurrenez hurren.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide