Eskualdeko lagun ugarik jo dute Kataluniara Urriaren 1eko erreferendumaren nondik norakoak jarraitzeko. Horietako batzuek aiaraldea.eus web-atariarekin partekatuko dituzte euren bizipenak.
Tánia Miró bozkatzeko guneetan egon da bart. Sant Andreuko (Bartzelona) Mestre Giberten egon da: "Auzoko ikastetxe gehienak okupatuta daude atzotik. Familiek eta auzokideek hartu dituzte eta egitarauak prestatu dituzte: tailerrak, zinema... gaur jarraituko dute".
Horrez gain, nabarmendu du giroa lasaia eta alaia dela. Atzo arratsaldez agertu ziren Mossosak eta adierazi zuten ez dutela indarkeria erabiliko, baina pertsona baten identifikazioa eskatu zuten.
Gaurko egunari dagokionez, Mirók aipatu du helburua dela ahalik eta jende gehien geratzea lotan ikastetxeetan, eta boluntario gehiago heltzea gaueko 04:00etan edo 05:00etan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
