Irailarekin batera amaitu da Aiaraldea Gaur hedabidearen "Udariklik" postal lehiaketa. Txemi Llano argazkilari aiararrak, Txani Llano idazle laudioarrak eta Lucia Menoyo Aiaraldea hedabideko kolaboratzaileak osatu dute epaimahaia. Guztira, 162 lan aurkeztu dira. Marrazkien kategorian ez du inork postalik bidali; eta, beraz, ez du inork jasoko Artelan papertegiko margoketa maleta.
Iraide Vallejo arespalditzarrarena izan da Aiaraldeko irudirik politena, epaimahaiaren aburuz. Hortaz, bi lagunentzat dastatze menua edukiko du Maroñoko Guzurtegi jatetxean. Lanik umoretsuenagatik 4 lagunentzat abentura ekintzaz gozatzeko parada edukiko du Joseba Vivanco artziniegarrak. Bidaien kategorian Zuriñe Alava Kosterarra gailendu da, eta bi lagunentzat menu berezia dastatuko du Ondarruko Arrigorri ostatuan. Ikus-entzunezkoen alorrean, berriz, Alex Colladoren timelapsea nagusitu da. Ondorioz, bi pertsonarentzat egonaldia eta gosaria edukiko du zain Arcos de Quejanan.
"Publikoaren saria" izan da aurtengo nobedadeetako bat. Gauzak hala, Xek etxeratuko du eskualdeko produktuekin osatutako otarra.