Eskualdeko hiru artista izan dira La familia inventada proiektuaren bultzatzaileak, eta Artziniegako saio sorta bukatu bezain laster, eskualdeko gainerako udalei proposatuko diete ikuskizunak antolatzea. Musika, sendabelarrak, antzerkia... denetarik uztartzen dute emanaldietan.
La familia inventada proiektua osatzen dute laudioar batek eta eskualdean bizi diren bi emakume kataluniarrek. Edonola ere, inguruko hainbat sortzaileren partaidetza ere sustatzen dute euren ikuskizunetan.
Igandean bukatutzat emango dute Artziniegan abiatutako emanaldi zikloa. Horretarako Aiaraturrekin, udalarekin, Etnografia Museoarekin eta zenbait tabernarekin aritu dira elkarlanean. Aurreko hiru igandeetan, eta hurrengoan ere, uztartu dituzte antzerkia, musika, ipuinak, sendabelarrak edota klowna.
Horrela, lortu dute hasierako 30 ikusle erakartzartetik, 60 baino gehiago batzea. Behin Artziniegako zikloa amaituta, Aiaraldeko herri gehiagora joko dute. Hala ere, ez dituzte ikuskizunak errepikatuko, izan ere, kontratatzen dituen herriaren edo lagunaren arabera prestatzen dituzte edukiak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
