Aiarako Kuadrillaren 2018ko aurrekontuen aurka bozkatuko du Orain Amurriok. Hala jakinarazi du talde politikoak komunikabidetara bidalitako ohar batean.
Zaborren kudeaketa esleitzeko emandako prozedura da kontrako botoa ematearen arrazoia. Orain Amurriok azaldu du lehen esleipena ez zela aurrera atera, eta bigarren deialdia egiterakoan %16,7eko igoera eman zela enpresei kudeaketagatik eskaintzen zitzaien diru kopuruan, 6.7 milioi eurokoa izatetik 7,9 milioi eurokoa izatera igaro baitzen.
"Herritarren interesen gainetik"
Hori egitean “enpresen interes ekonomikoak herritarren interes orokorren gainetik” jarri zirela uste du talde politikoak. Horregatik, zerbitzuaren azpi-kontratazioaren aurka bozkatu zuten eta horregatik bozkatuko dute baita ere aurrekontuen aurka, diru guztiaren “heren bat” bideratzen delako zaborren kudeaketara.
Orain Amurrioko kideek gogorarazi dute bi ikerketa egitea proposatu zutela, zaborren kudeaketa publikoa izatearen aukera aztertzeko bata eta zaborren kudeaketarako aukerarik onena hautatzeko bestea. “Bi proposamenetako bat bera ere ez da aintzat hartu”, salatu dute.