Koba Ciclyng eta Aiara Txirrindula taldeetako zenbait kide lehiatu ziren Belgikan

Erredakzioa 2017ko abenduaren 12a
Deskargatu Info Ahotsak :

Txirrindulariak eta lagunak Belgikan./ Arabako Txirrindularitza Federazioa

David Hidalgo, Josu Albizua, Aitor Garcia eta Javier Santos kirolariek ordezkatu zuten Koba Cycling taldea eta Iñaki Guarestik Aiara Txirrindula Elkartea Molen. Bik Master Kategoriako Munduko Ziklokros Txapelketan parte hartu zuten.

Aitor Garcia eta Javier Santos aritu ziren Master Kategoriako Txapelketan eta 38. eta 66. postuak eskuratu zituzten, hurrenez hurren, abenduaren 2an.

Egun horretan, besteek Hasselt hirira jo zuten bertako lasterketan lehiatzeko. Nabarmentzekoa da Belgikan zale ugari erakartzen dituela ziklokrosak eta aiaraldearrentzat esperientzia garrantzitsua eta positiboa izan zela.

Hasselten David Hidalgok 38. postua eskuratu zuen elite kategorian, Iñaki Guarestik 34. gazte kategorian eta Josu Albizuak ezin izan zuen bukatu proba erorketa baten ondorioz.

Igandean, abenduaren 3an, hiru txirrindulariek ere parte hartu zuten Molen egindako lasterketan eta David Hidalgok 33. postuan bukatu zuen, Josu Albizuak 38. eta Iñaki Guarestik 29.

David Hidalgok adierazi du taldearen helburua dela lagunen artean gozatzea eta, gainera, emaitza onak lortzen ari direla.

 

 

 

 

 

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide