Gabonekin batera erakusleiho lehiaketak heldu dira Aiaraldeara. Aiaraldeko Enpresen koordinaziorako Federazioak, Aiarako Koadrilaren laguntzaz, eskualdeko erakusleiho lehiaketaren IV. edizioa antolatu du.
Iragan azaroaren 16an bukatu zen lehiaketan izen-emateko epea. Komertzio bakoitzak eskaintzen dituen produktuak baliatuz nahieran apainduko beharko ditu erakusleihoak abenduaren 9tik 20ra ikusgarri egon daitezen.
Sari nagusia 700 eurotakoa izango da. Epaimahaiak originaltasuna eta komertzioaren eskaintzarekiko egokitasuna baloratuko dute nagusiki. Sari banaketa abenduaren 20an ospatuko dute, 20:45etan Arespalditzako Gizarte Etxean antolatu duten ekitaldian.
Herriz herrikako eskaparate txapelketeak ere ospatuko dituzte Aiaraldeako merkataritza elkarte ezberdinek. Hala nola, Laudioko APILL elkarteak Laudioko Erakusleihoen XXIV. edizioa antolatu du aurten. 18 komertziok parte hartuko dute bertan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
