Gaur -abenduak 30- 18:30ean, kontzentrazioa deitu dute Laudioko Eroski aurrean larriki gaixo dagoen Ibon Iparragirreren askatasuna eskatzeko. HIESA pairatzen duen Euskal Preso Politikoa da Iparragirre. Egoera oso larrian dagoela eta kartzelatik kanpo egon beharko lukeela salatu dute behin baino gehiagotan eragile desberdinek.
Herrietako zitak
Abenduaren 31n Euskal Preso Politikoen etxeratzea eskatzeko mobilizazio deitu dute 20:00etan Amurrion. Laudion, aldiz, "denak gurekin!" lemapean, urteroko brindisa antolatuko dute Batzalarrin kalean 19:00etan, "preso, iheslari eta deportatuen alde".
Basaurira martxa
'KALERA' dinamikak Basauriko espetxearen aurrean protesta deitu du abenduaren 31n. Eskualdetik kotxe kedadak antolatu dira deialdira bertaratzeko; 11:00etan jarri dute hitzordua Amurrion Txokogorri parean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
