Uxue Albizua eta Mikel Beraza irabazle Ormaiztegiko zirkuitu elurtuan

Erredakzioa 2018ko urtarrilaren 8a
Deskargatu Info Ahotsak :

Ormaiztegiko lasterketan hartutako irudia. / Ainhoa Pikaza

Uxue Albizua eta Mikel Beraza aiaraldearrek lortu zuten garaipena Euskal Txirrindularitza Federazioaren azken proban, Ormaiztegin. Elurrean lehiatu ziren.

Atzo izan zen Ormaiztegiko Ziklokros lasterketa oso egoera gogorrean. Izan ere, herria eta ibilbidea elurtuta zeuden eta txirrindulariek lokatzari ez ezik, izotzari ere aurre egin behar izan zioten.

Edonola ere, zailtasunak eta hotza ez ziren erabakigarriak izan Uxue Albizua eta Mikel Beraza  txirrindulari aiaraldearrentzat. Berez, Albizuak 25 minutu eta 53 segundotan bete zuen zirkuitua eta lehen postua eskuratu zuen bere kategorian.

Gauza bera egin zuen Berazak kadeteen artean, 25 minutu eta 29 segundo baliatuta. Gainera, larunbatean 2. postua eskuratu zuen Abadiñon.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide