Laura Gil, Aratz Garmendia, Julen Olabarria eta Eneko Aramendi Kick Light eta Contact Light Euskadiko Txapelketako podiumetan

Aitor Aspuru Saez 2018ko urtarrilaren 24a
Deskargatu Info Ahotsak :

Aratz Garmendia eta Laura Gil, entrenamendu batean.

Euskadiko Tatami Txapelketa izan zen igandean Kick Light eta Light Contact diziplinetan. Laura Gilek urrezko eta zilarrezko dominak eskuratu zituen, Aratz Garmendiak urrezko bi, Eneko Aramendik urrezko eta zilarrezko bana eta Julen Olabarriak zilarrezkoa.

Bilboko Miribilla auzoan dagoen Bizkaia Frontoiak hartu zituen Euskadiko txapelketak Light Contact eta Kick Contact kiroletan igandean. Biak dira Kick Boxingaren eta Full Contacten modalitateak, baina kolpe arinetan oinarrituak. Hau da, babes ugari erabiltzen da eta ezin da KO-rik egin, behintzat apropos.

Kuraia Gimnasioaren zenbait borrokalarik parte hartu zuten proban eta baita emaitza onak lortu ere:

  • Laura Gil laudioarrak urrezko saria bereganatu zuen Light Contacten, baina Kick Lighteko finalean belauna bihurritu zuen eta ezin izan zuen borroka bukatu. Hortaz, zilarrezko domina eraman zuen.
  • Aratz Garmendiak bi diziplinetan eskuratu zituen urrezko dominak.
  • Eneko Aramendi orozkoarrak Light Contacten urrezko aitorpenaren irabazlea izan zen. Kick Lighten zilarrezko saria izan zen berarentzat.
  • Julen Olabarriak Light Contacteko zilarrezko domina eraman zuen etxera.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide