Alerta laranja aktibatu dute biharko eta ostiralerako elurragatik

Erredakzioa 2018ko ots. 1a, 11:06
Deskargatu Info Ahotsak :

Errepidean kontuz ibiltzeko deia luzatu dute.

300-400 metrora jaitsiko da elur-maila. Hainbat prebentzio neurri zabaldu ditu Segurtasun Sailak.

Alerta laranja aktibatu du Eusko Jaurlaritzaren Segurtasun Sailak gaur osteguneko 18:00etatik ostiraleko 12:00etara bitartean: “Goi latitudeetan aire-masa hotza eta hezea sartuko denez, horren ondorioz tenperaturek nabarmen egingo dute behera, prezipitazio ugariak izango dira, batez ere kantauriar isurialdean, eta elurra oso behean egingo du”, adierazi dute. Nabarmendu dutenez, 300-400 metrotan kokatuko da elurra maila, “baina beherago ere egin dezake batez ere zaparraden intentsitatearen arabera”.

Hurrengo egunetan hotza

Asteburuan tenperatura baxuek jarraituko dutela adierazi du Segurtasun Sailak, baina ez du zehaztu elurra egiten jarraituko duen edo ez.

Horregatik guztiagatik, hainbat prebentzio neuri helarazi dituzte, herritarrek kontuan izan ditzaten:

Bidaiatu behar baduzu:
• Aldez aurretik eskatu errepideen egoerari buruzko informazioa Eusko Jaurlaritzako trafiko-zerbitzuaren 011 telefono-zenbakiaren eta Twitter (@trafikoaEJGV) bidez, eta egoera meteorologikoari buruzkoa Euskalmet (www.euskalmet.euskadi.eus) eta Twitter (@Euskalmet) bidez.
• Eguraldia oso txarra bada, hobe da ez bidaiatzea
• Ahal izanez gero, garraio publikoa erabili.
• Edonola ere, jarraitu beti Eusko Jaurlaritzako Trafiko Zuzendaritzaren gomendioak Twitter eta Internet bidez

Mendira joan behar baduzu:
• Alerta laranja aktibatuta badago, bertan behera utzi mendiko txangoak eta ibilaldiak.
Etxean
• Kontuz ibili berogailu-sistema osagarriekin, estufa edo sutontziekin, istripurik gerta ez dadin.
Elurretan ibilgailuan harrapatuta geratzen bazara:
• Ez atera autotik denboraleak barruan harrapatu bazaitu. Ez ahaztu telefono mugikorra, eta bateria ondo kargatuta eduki.
• Motorra piztuta eta berogailua jarrita eduki, tarteka airea berritu.
• Ez lo hartu. Tapakiren bat eskuratu, eta ondo jantzita egon.
• Larrialdietan deitu 112 telefono-zenbakira

Iragarpen eguneratuak jarraitzea gomendatzen da Euskalmet (http://www.euskalmet.euskadi.eus) eta Twitter (@Euskalmet) bidez.

 

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide