Lehiakortasun eza ardatz, Laudioko Altzarrate eta Amurrioko Kaskagorri futbol taldeek emakumeen berdintasuna aldarrikatzeko eta genero indarkeriaren kontrako ibilaldia arautua antolatuko dute martxoaren 10ean.
Ibilaldiak Laudio eta Amurrio herrietako plazak lotuko ditu joan itzulizko ibilbidean Nerbioi Ibaiaren parke lineala baliatuta. 10:00etan abiatuko da, bai Laudiotik eta bai Amurriotik, bi norabideetan, eta Luiaondon jan-edana banatuko dute.
Izen emateak 5 euroko kostua izango du eta egunerako propio diseinatutako elastiko teknikoak banatuko dituzte.
Guztiak irabazle
Antolatzaileek ez dute ekimen lehiakorrik nahi, horregatik ez dituzte helmugara heltzen diren lehenengoak sarituko. Tarteko denborek izango dute saria, ibilbidea osatzeko batezbesteko denborak kontuan izanik.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
