Lan-hitzarmen berria sinatu dute Tubacexen

Erredakzioa 2018ko martxoaren 19a

Laudio eta Amurrioko lantegietan izango du eragina hitzarmen berriak. / Aiaraldea.eus

ELA, CCOO eta Independenteek sinatu dute. Aste honetan egingo dute proposamena bozkatzeko langileen batzarrean.

Lan hitzarmen berria adostu eta sinatu dute Tubacexeko langileen ordezkarien gehiengoak -ELAk, CCOOk eta Independenteek- enpresaren zuzendaritzarekin. 2020ra arte egongo da hitzarmen hori indarrean Laudio zein Amurrioko lantegietan.

Beharginen batzarra egingo da aste honetan, hitzarmena behin betiko onartzen den edo ez zehazteko. “Enplegu finkoa, errelebo-kontratuak eta soldatetan hobekuntzak” barnebiltzen ditu dokumentuak, enpresaren zuzendaritzaren aburuz.

Enpresa 25 milioi euro inbertitzera konprometitu da Laudio eta Amurrioko lantegietan. “Espero dugu mota honetako akordioek balio izatea gure proiektu enpresariala errotu eta produktu estrategikoak garatzeko”, azaldu dute zuzendaritzako kideek.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide