Gaur Europako Boxeo Txapelketa eskuratzeko lehiatu behar zen Kerman Lejarraga, eta hitzordua bertan behera geratu bada ere, borrokaldiak aurrera egin du eta Aratz Garmendiak Rachid Bruauda izango du aurrean.
Kategoria amateurrean Jagoba Pazos Hajime klubeko kidea ere igoko da ringera, K-1ean.
Denboraldiko une garrantzitsua
Kirolariei udaberrian eta uda hasieran pilatzen zaizkie borrokak, askotan. Adibidez, larunbatean Iñaki Gartziak egingo du debuta Donostiako Openean, Light Contact diziplinan, hain zuzen. MMAn, ordea, Asier Ispizua arituko da.
Pasa den asteburua jarduera anitzekoa izan zen. Jagoba Pazosek Mirandan irabazi zuen borroka bere aurkariak oihala bota ostean.
Jon Maeso lehenengo aldiz igo zen ringera Gasteizen eta puntuetan irabaztea lortu zuen. Gainera, borrokaldi horretako norgehiagoka profesional bat Ibai Ruizek egin zuen K-1ean. Puntuetan gailendu zen.
Euskal Selekzioa
Horrez gain, Euskal Selekzioko kideek Espainiako Txapelketa prestatu behar dute. Rubén Domínguez eta Uxue Arrazuria Derion entrenatu zuten asteburuan, eta apirilaren 15ean Faduran egongo dira prestaketarekin jarraitzeko.