Mobilizazio zaratatsuak egingo dituzte gaur arratsaldean Aiaraldeko hainbat herritan, “La manada gu gara” lemapean

Erredakzioa 2018ko apirilaren 26a
Deskargatu Info Ahotsak :

Aiaraldeko mugimendu feministak deitu ditu mobilizazioak. / Aiaraldea.eus

19:00etan hasiko dira mobilizazioak Urduñan, Amurrion, Orozkon eta Laudion. “Zarata egiteko tresnak” eramateko deia luzatu dute.

Mobilizazio zaratatsuak egingo dituzte gaur -apirilak 26- arratsaldeko zazpietan Amurrion, Laudion, Urduñan eta Orozkon, Iruñeko erasotzaileen aurkako sententzia dela eta. Iruñeko epaitegiak 9 urteko kartzela zigorra ezarri die Sanferminetan neska bat bortxatzeagatik atxilotutako gazteei. Sexu abusua egiteagatik kondenatu dituzte. Hau da, sexu eraso delituagatik absolbitu dituzte, epaileen aburuz ez zelako indarkeriarik egon 2016ko uztaileko gau hartan jazotako gertaeretan.

Hori salatzeko deitu ditu elkarretaratzeak eskualdeko mugimendu feministak, “La manada gu gara” lemapean.

Urduñako Udalak oharra plazaratu du mobilizazioekin bat egiten duela esanez eta udal-ordezkariak hiriko zitara bertaratuko direla iragarriz.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide