aiaraldea.eus

Talde komunikazioa lantzeko ikastaroa antolatu du Azkue Fundazioak

Erabiltzailearen aurpegia Babestutako edukia   Komunikazioa  Aiaraldea  Aiaraldea: Euskal Herria
Talde komunikazioa lantzeko ikastaroa antolatu du Azkue Fundazioak
Ikastaroen kartela. | Ikusi handiago | Argazki originala

Sartu gurekin teknologiaren ur handitan. Horixe dute lelo Azkue Fundazioak eta Talaios Kooperatibak teknologiarekin lotuta antolatu dituzten ikastaroek.

Sarri teknologiaren mundua informatikariekin bakarrik lotzen den arren, mundu guztiarentzat da erabilgarria eta hori horrela, oinarrizko gauzak era teoriko praktikoan landuko dira ikastaro hauetan.

Talde komunikazioa: komunikazio tresnak eta informazio kudeaketa izango da, maiatzaren 18an eta 19an egingo duten saioan landuko duten gaia. Izan ere egunerokotasunean, batean edo bestean, uneoro konektatzen gara sarera. Baina ezagutzen al ditugu erabiltzen ditugun tresnak eta atzean dauden aukera ezberdinak? Talde komunikazioan ere hainbat tresna baliatzen ditugun arren ezezagutzaren, ohituraren eta denbora faltaren ondorioz logika askorik ez duen erabilera egiten dugu.

Horri aurre egiteko, ikastaro honetan posta zerrendak eta buletinak, Telegram, Whatsapp eta Signal bezalako aplikazioak eta sare sozialen erabilera landuko dira.

Maiatzaren 18an eta 19an, Euskararen Etxean
Maiatzaren 18an, ostirala, goizean 10:00etatik 14:00etara eta 15:30etatik 19:30etara izango dira lan saioak, eta maiatzaren 19an, larunbata, 10:00etatik 14:00etara

Hamabi partaiderendako lekua egongo da ikastaroan, eta parte hartzeko, Azkue Fundazioaren webgunean eman behar da izena: ikastaro teknologikoak azpiatalean, dagokion inprimakia beteaz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa