Gaur -maiatzak 8, ohikoan baino egun bat leheneago- publikatuko da Aiaraldea Hemen hamabostekariaren zenbaki berria. Hainbat gai izango ditu hizpide, baina bat nagusituko da: igandean eskualdeko sei udalerritan eginiko herri-galdeketa.
Beste hainbat gauza barnebilduko ditu agerkariak: Artziniegan larunbatean egingo den elkartasun egunari buruzko erreportajea eta Asier Castilla Pikaza eta Mari Carmen Diaz de Lezana txirrindulariei eginiko elkarrizketa, besteak beste.
Horrez gain, zortzi orriko gehigarri berezia izango du hamabostekariak, txakolinari buruzkoa. Eskualdeko upetagiei eta ardo ekoizpenari buruzko nondik norako guztiak bilduko ditu.
Gaur eguerdian iritsiko dira agerkariaren aleak inprentatik, eta jarraian ekingo zaio eskualdean banatzeari, horretarako osatu den boluntario sareari esker.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
