aiaraldea.eus

Ugalketa garaian abeltzainek ezingo dituzte zezenak mendietan askatu

Erabiltzailearen aurpegia Aitor Aspuru Saez   Ingurumena  Aiaraldea

Iaz tricomoniasis gaixotasuna topatu zioten animali bati, eta gaitzaren zabalpena ekiditeko ugalketa modu artifizialean egingo dute. Ondorioz, Orozko eta Laudioko abeltzainek ez dituzte zezenak Gorbeiako mendietan askatuko. 

Ugalketa garaian abeltzainek ezingo dituzte zezenak mendietan askatu
Behi guztien osasuna aztertzea garestiegia da eta, ondorioz, ez dituzte zezenak Gorbeian askatuko. / aiaraldea.eus | Ikusi handiago | Argazki originala

Behien ugalketa modu artifizialean egiteko neurria adostu dute Araba eta Bizkaiko Foru Aldundiek eta zenbait udalek. Iaz tricomoniasis kasua atzeman zioten Zuian kutsatutako zezen bati. Hori dela eta, aurrerantzean kontrolpean izango dituzte zezenak, horrelako gehiago jazotzea ekiditeko.

Zezen gehienei egin dizkiete azterketak eta gaixorik ez daudela ondorioztatu dute. Hala ere, abereak ukuiluetan uztea proposatu dute, behi gehiegi daudela eta guztiei probak egitea garestiegia dela iritzita. 

Hedabideen arabera, bilera eskatu du Itxina abeltzain elkarteak Bizkaiko Foru Aldundiarekin diru-laguntzak eskaintzea proposatzeko.

Tricomoniasis gaixotasuna
Tricomoniasis gaitza animalien artean kutsatzen da sexu harremanen bidez, eta gizakietan eraginik ez badu ere, arazoak sortzen ditu zezen eta behien ugalketan: abortuak eta malformazioak eragiten ditu, besteak beste.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa