Tren bat atera da bidetik goizean eta ez dago zerbitzurik Arrigorriaga eta Bidebietako geltokien artean. Renfek autobusak jarri ditu ibilbide hori betetzeko, baina atzerapenak sortu dira. 21:00ak arte ez zuten zerbitzua guztiz berreskuratu.
Merkantzien garraiorako tren bat bidetik atera da Arrigorriagan, 6:30ean. Ez da zauriturik egon, baina gertaera horrek atzerapenak eragin ditu Bilbo eta Urduña arteko tren-zerbitzuan, trafikoa egokitzen ari dira eta. Eguerdian oraindik konpondu gabe zegoen arazoa eta ehunka bidaiarik pairatu dituzte atzerapenak eskualdean.
Momentuz, Renfek jakinarazi du Ugao eta Bidebieta arteko tartea egiteko autobusak jarri dituela. Hala ere, ordutegia ez da betetzen ari.
Bizkaiko EH Bilduk prentsa oharra zabaldu du salatzeko ADIFek ez duela egiten beharrezko inbertsioa trenbideak mantentzeko. Horrez gain, aldarrikatu du trenbide sareko eskumenak Eusko Autonomia Erkidegoan egon beharko lirateke.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
